Сярод узнагарод — медаль украінскага прэзідэнта "За абарону Украіны" / t.me/KalinouskiPolk/
Каліноўцы атрымалі ўкраінскія дзяржаўныя ўзнагароды. Беларускіх добраахвотнікаў адзначылі "за баявыя заслугі і мужнасць, праяўленую ў баях". Сярод узнагарод — медаль украінскага прэзідэнта "За абарону Украіны".
"Гэта вялікі гонар для беларускіх добраахвотнікаў", — піша прэс-служба падраздзялення.
Каліноўцы і раней атрымлівалі ўкраінскія ўзнагароды. У канцы лета некалькі ваяроў "за асабісты гераізм, праяўлены ў баях" атрымалі медалі "Адважнае сэрца".
Пакуль Украіна прызнае заслугі байцоў палка Каліноўскага ў барацьбе супраць расійскіх акупантаў, у РБ рэжым Лукашэнкі прызнаў падраздзяленне "тэрарыстычнай арганізацыяй", супраць яго ўдзельнікаў распачынаюць так званую "спецвытворчасць", каб іх завочна судзіць.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут