Валанцёры Беларускага таварыства Чырвонага Крыжа, фота ілюстрацыйнае / redcross.by
Беларускі Чырвоны Крыж, верагодна, больш нельга назваць паўнапраўным удзельнікам Руху Чырвонага Крыжа. Але гэта не значыць, што ён застанецца зусім без грошай.
У Беларускім таварыстве Чырвонага Крыжа адмовіліся адхіляць свайго генсакратара Дзмітрыя Шаўцова — і цяпер сутыкнуцца з санкцыямі. Мы папрасілі прававы аддзел НАУ пракаментаваць, як будзе праходзіць "развод" з міжнароднымі партнёрамі.
Юрыдычна беларускі Чырвоны Крыж не з'яўляецца і ніколі не з'яўляўся філіялам Міжнароднага Чырвонага Крыжа — ды і самога такога паняцця як "Міжнародны Чырвоны Крыж" не існуе, адразу адзначае эксперт у галіне міжнароднага гуманітарнага права (на ўмовах ананімнасці).
— БТЧК з'яўляецца нацыянальным таварыствам Чырвонага Крыжа ў Беларусі, створаным у адпаведнасці з мясцовым заканадаўствам. Ён з'яўляецца сябрам Міжнароднага Руху Чырвонага Крыжа і Міжнароднай Федэрацыі Чырвонага Крыжа.
Асобна існуе Міжнародны камітэт Чырвонага Крыжа, які ўваходзіць у Рух.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут