Баевікі экстрэмісцкай групоўкі “Ісламская дзяржава” выпусцілі жорсткі ролік з пагрозамі на адрас заходніх краін. Спачатку на відэа паказваюць перамовы вядучых палітыкаў Еўропы і ЗША, а пазней — кадры авіяўдараў НАТА па пазіцыях на Блізкім Усходзе.
Гэтыя кадры змяняюцца ўмела зробленай графікай з нібыта абстрэлам Парыжу і ўзрываннем Эйфелевай вежы. Такім чынам тэрарысты дэманструюць, як французская сталіца магла выглядаць пасля аналагічных бомбавых удараў.