Машына хуткай дапамогі, фота ілюстрацыйнае / creative commons
Грамадзяніна Беларусі шпіталізавалі ў выніку ўдару беспілотніка па грузавым аўтамабілі ў Бранскай вобласці, паведаміў беларускі МЗС. Пагрозы для яго жыцця няма.
"У Жукаўскім раёне Бранскай вобласці Расіі ў выніку трапляння БПЛА ў фуру пацярпеў грамадзянін Рэспублікі Беларусь", — паведамілі ў беларускім знешнепалітычным ведамстве.
Вядома, што мужчына працуе дальнабойшчыкам. Яго шпіталізавалі ў траўматалагічнае аддзяленне Жукаўскай міжраённай бальніцы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут