Сабака, ілюстрацыйнае фота / pexels.com
Са скаргай на чыгуначныя станцыі на адрэзку ад Рэчыцы да Гомеля звярнуўся жыхар абласнога цэнтра. Мужчына заявіў пра беспарадак і бяздомных сабак на прыпыначных пунктах "Чыжоўка", "Якімаўка", "Шчэрбаўка", "Прыбар" і "Цэнтраліт", піша "Гомельская праўда".
Мужчына заявіў, што на станцыях бяздомныя сабакі кідаюцца і брэшуць на пасажыраў. А таксама ляжаць на перонах, у будынках прыпыначных пунктаў, ладзяць логавы пад перонамі і ў паласе адводу. Таксама гомелец звярнуў увагу, што на станцыях пакідаюць міскі з вадой і ежай для сабак, а тая ежа гніе і смярдзіць.
У Гомельскім аддзяленні БЧ заявілі, што адказ на гэты зварот давалі яшчэ ў красавіку. Чыгуначнікі падкрэслілі, што яны не займаюцца адловам бадзяжных жывёлаў. Тым не менш арганізацыя правяла службовае расследаванне — і місак нідзе не выявіла.
Таксама чыгуначнікі заяўляюць, што павесілі на станцыях абвесткі пра забарону кармлення сабак. А ў сельвыканкамы, службу 115 і міліцыю накіравалі звароты для арганізацыі адлову.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут