Генеральны сакратар ААН Антоніу Гутэрыш падчас візіту ва Украіну наведаў пасёлак Барадзянка пад Кіевам.
Гэты пасёлак моцна пацярпеў падчас расійскай акупацыі. Сведкі казалі, што разбурэнні ў Барадзянцы нават большыя, чым у Бучы і Ірпені.
"Я ўяўляю сваю сям'ю ў адным з гэтых дамоў, зараз разбураных і чорных. Я бачу, як мае ўнучкі ў паніцы ўцякаюць. Вайна ў XXI стагоддзі недапушчальная", — сказаў Гутэрыш.
Перад паездкай ва Украіну генсакратар ААН наведаў Маскву, дзе сустракаўся з Уладзімірам Пуціным.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут