Генасамблея ААН прыняла рэзалюцыю "Гуманітарныя наступствы агрэсіі супраць Украіны".
Дакумент патрабуе, каб Расія неадкладна спыніла баявыя дзеянні ва Украіне, не нападала на грамадзянскае насельніцтва і аб'екты грамадзянскай інфраструктуры. Ад Расіі патрабуюць гарантаваць бяспечныя праходы для мірных грамадзян, а таксама гуманітарны доступ да тых, каму патрэбная дапамога.
За гэты дакумент прагаласавалі 140 дзяржаў, супраць — пяць (Расія, Беларусь, КНДР, Сірыя і Эрытрэя). 38 дэлегацый устрымаліся.
Раней Савет бяспекі ААН не прыняў рэзалюцыю па гуманітарнай сітуацыі ва Украіне, якую прапанавала Расія.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут