Гамяльчук Уладзімір Харужы 12 верасня арганізаваў суботнік на Абкамаўскім возеры. Ён заклікаў ахвочых прыбраць смецце на берагах возера. Як пішуць "Моцныя навіны", ініцыятыву падтрымалі некалькі дзясяткаў людзей, многія прыйшлі разам з дзецьмі.
Аднак на наступны дзень, у нядзелю, Харужага затрымалі. Па словах жонкі, яшчэ ў 15:00 мужчына быў на сувязі, а потым — "недаступны".
15 верасня суд Савецкага раёна раёна Гомеля прысудзіў Уладзіміру Харужаму трое сутак арышту. Фактычна, гэты тэрмін мужчына адбыў ужо да суда.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.