ФСБ прадухіліла ў Маскве серыю тэрактаў. Расійская спецслужба заявіла, што яе рыхтавала тэрарыстычная "Ісламская дзяржава". Кіраваў падрыхтоўкай яе прадстаўнік, які знаходзіцца ў Турцыі, а раней быў аб'яўлены ўладамі Таджыкістана ў міжнародны вышук.
Як інфармуе РІА "Новости", у выкрытую дыверсійна-тэрарыстычную групу ўваходзілі грамадзяне Таджыкістана і адзін жыхар Малдовы — агулам 4 чалавекі. ФСБ сцвярджае, што рыхтавалася серыя "рэзанансных тэрактаў". Падчас ператрусаў знайшлі самаробныя выбуховыя прыстасаванні, аўтаматычную зброю, "значную колькасць выбуховага рэчыва", з якога планавалі вырабіць яшчэ адну магутную бомбу.