Су-27, які апынуўся ў кювеце аўтатрасы ў Аршанскім раёне, прывезлі на аэрадром пад Віцебск. Фотаздымкі з'явіліся ў сацыяльных сетках.
Як паведамляла Еўрарадыё, раніцай у пятніцу на аўтатрасе М8 зламалася счэпка і ваенны самалёт без крылаў адчапіўся ад КАМАЗа, які яго цягнуў. Каб дастаць Су-27 з кювета, давялося выклікаць ратавальнікаў, выкарыстоўваць спецкран. Падчас здарэння ніхто з людзей не пацярпеў.