13 снежня міністр замежных спраў Беларусі Уладзімір Макей сустрэўся з прадстаўнікамі Міжнароднага грамадскага аб'яднання "Згуртаванне беларусаў свету "Бацькаўшчына" Аленай Макоўскай і Нінай Шыдлоўскай. Як інфармуе прэс-служба МЗС нашай краіны, падчас сустрэчы былі абмеркаваныя пытанні ўзаемадзеяння знешнепалітычнага ведамства і "Бацькаўшчыны” па паглыбленні сувязяў з суайчыннікамі за мяжой, а таксама супрацоўніцтва з імі ў розных сферах. Была закранутая і тэма правядзення 7-га з'езда беларусаў свету.