Кур'ёзны фотаздымак апублікавала прэс-служба Аляксандра Лукашэнкі на яго афіцыйным сайце. Падчас візіту прэзідэнта Туркменістана Гурбангулы Бердымухамедава беларускі кіраўнік разам з ім пасадзіў елку на Алеі ганаровых гасцей каля Палаца Незалежнасці.
На фотаздымку відаць, што падчас пасадкі дрэва пайшоў дождж. Аднак гэта не перашкодзіла кіраўнікам дзяржаваў паліць елку з леек. Над самімі Бердымухамедавым і Лукашэнкам ахова трымала парасоны.