Галівудская актрыса Ліндсі Лохан страціла палову пальца на левай руцэ. Здарэнне адбылося ў Турцыі, калі Лохан самастойна спрабавала прышвартаваць яхту. Яна цягнула якар, але заблыталася і звалілася ў ваду. Ланцуг, на якім трымаўся якар, адарваў ёй частку пальца.
Актрысу тэрмінова прывезлі ў бальніцу, дзе палец прышылі. Пра здарэнне Лохан распавяла ў сваім Instagram, у якім змясціла кароткі відэаролік. У ім яна дэманструе перабінтаваны палец.
Ліндсі Лохан 30 гадоў. У кіно яна здымаецца з дзяцінства. Самыя вядомыя яе фільмы — "Кепскія дзяўчынкі" і "Вар'яцкія гонкі". Апошнім часам імя актрысы ўсё часцей трапляе ў розныя скандальныя гісторыі.