Еўропа аднаўляе прыроду, але гэта не спыніць паляванне на галубоў — #ІхНоравы

Чытаць болей: Депрессия из-за расизма и рыба точь-в-точь как Саурон — #ИхНравы

Рашэнне, накіраванае на аднаўленне экасістэм, відаў і месцапражыванняў у ЕС, было канчаткова ўхваленае на сустрэчы міністраў у Люксембургу.

Згодна з планам, дзяржавы-удзельніцы Еўрасаюза павінны будуць выканаць задачы па аднаўленні канкрэтных асяроддзяў пражывання і відаў, каб да 2030 года ахапіць не менш за 20% тэрыторыі сушы і мора ў рэгіёне.

Фермеры незадаволеныя. Яны перакананыя, што экалагічныя і кліматычныя законы ЕС вядуць іх да банкруцтва.

Галубам пагражае смерць. Але не паўсюль

У горадзе Лімбург на захадзе Германіі галубоў стала так шмат, што гэта ператварылася ў праблему. Людзі скардзяцца на памёт, які забружвае будынкі, помнікі і тратуары. Таксама яны асцерагаюцца інфекцый, якія могуць распаўсюджваць гэтыя птушкі.

Яшчэ ў мінулым лістападзе большасць дэпутатаў выступіла за вынішчэнне галубоў. Для гэтага ў горадзе прапанавалі ўсталяваць пасткі і наняць сакольнічага.

Зоаабаронцаў абурыў абраны спосаб знішчэння птушак: пасля аглушэння ударам па галаве сакольнічы павінны скручваць галубам шыі.

У горадзе разгарнулася кампанія супраць забойства галубоў, неўзабаве быў прызначаны рэферэндум. Вынік шакаваў абаронцаў жывёл: 53% жыхароў Лімбурга, якія маюць права голасу, выказаліся "за" прапанаваныя ўладамі захады, 47% — "супраць".

Нямецкае таварыства абароны жывёл заявіла: як толькі ў Лімбургу заб'юць першую птушку, яно падасць заяву на ўзбуджэнне крымінальнай справы супраць гарадскіх уладаў.

Чытаць болей: ЕC увязаўся ў гандлёвую вайну з Кітаем, музыкі зарабляюць усё болей — #ІхНоравы

Савет бяспекі ААН прыняў у чацвер рэзалюцыю, якая патрабуе спынення аблогі Эль-Фашыра, але ў пятніцу баявыя дзеянні абвастрыліся. 

Кіраўнік Агенцтва ЗША па міжнародным развіцці Саманта Паўэр заявіла пра асцярогі за бяспеку людзей, якія хаваюцца ў Эль-Фашыры, калі горад пяройдзе пад кантроль СХР. 

"Актуальныя звесткі сведчаць пра тое, што крызіс у Судане супастаўны і патэнцыйна горшы, чым голад 2011 года ў Самалі, у выніку якога загінула чвэрць мільёна чалавек", — дадала яна.

Ва Ужупісе будзе хадзіць аўтобус без кіроўцы

Два месяцы ў віленскім раёне Ужупіс будзе курсаваць аўтобус без кіроўцы. Транспартны сродак разлічаны на 6-8 сядзячых месцаў і можа перавозіць да 12 пасажыраў.

У межах тэставання жыхары і госці Вільні змогуць пакатацца на аўтобусе абсалютна бясплатна. 

— Недахоп кіроўцаў прымушае нас задумацца пра нейкія іншыя паслугі грамадскага транспарту ў горадзе, — тлумачыць прадстаўнік транспартнай службы Susisiekimos paslaugos Сальвейга Станкявічэне.

Па яе словах, выпрабаванні аўтаномнага аўтобуса мусяць пачацца ў другой палове верасня. Муніцыпалітэт выдзеліў 80 тысяч еўра на арэнду транспартнага сродку, а таксама на абсталяванне неабходных часовых прыпынкаў.

Пілотны праект пакажа, ці змогуць такія аўтобусы ў будучыні пастаянна дапаўняць сістэму грамадскага транспарту сталіцы.

— З дапамогай гэтага праекта мы імкнемся праверыць, ці варта нам укладаць грошы ў такі тып транспарту, — сказала Станкявічэне.