Фуры, ілюстрацыйнае фота / fecebook.com
Непрымальнымі і неабгрунтаванымі назвала Еўракамісія дзеянні афіцыйнага Мінска, праз якія была затрыманая тэхніка літоўскіх ды іншых перавозчыкаў з краін ЕС. Пытанне іх затрымання разглядаецца на вышэйшым узроўні Еўрапейскага Саюза і ўжо вынесенае на міжнародны парадак дня, заявілі ў Еўрапейскай камісіі.
Такі адказ ад Еўракамісіі атрымала нацыянальная асацыяцыя аўтаперавозчыкаў "Linava", перадае LRT. На пачатку сакавіка літоўскія перавозчыкі звярнуліся ў Еўракамісію з нагоды затрыманых фураў і прычыненай шкоды.
У Еўракамісіі заяўляюць, што Беларусь павінна неадкладна стварыць умовы для вяртання грузавікоў законным уладальнікам.
Напярэдадні з літоўскімі і польскімі перавозчыкамі, чые грузавікі не выпускаюць з Беларусі, сустракаўся прэм'ер-міністр Аляксандр Турчын. Ён заявіў, што беларускія ўлады не плануюць канфіскоўваць грузавікі, але давядзецца заплаціць за чатыры месяцы, якія яны стаялі на беларускіх спецстаянках.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут