21 верасня Аляксандр Лукашэнка правёў шэраг кадравых прызначэнняў.
Рэктарам Акадэміі кіравання пры прэзідэнце стаў Вячаслаў Даніловіч, перадае БЕЛТА. Дагэтуль ён займаў пасаду дырэктара Інстытута гісторыі Нацыянальнай акадэміі навук.
Змянілся рэктары ў трох медыцынскіх універсітэтах. Беларускі дзяржаўны медуніверсітэт узначаліў Сяргей Рубніковіч, рэктарам Гомельскага медуніверсітэта стаў Ігар Стома, а Гродзенскага — Алена Кроткава.
Галоўным санітарным лекарам стаў Аляксандр Тарасенка.
Першым намеснікам міністра фінансаў прызначаны Дзмітрый Кійко, звычайнымі намеснікамі будуць Вольга Тарасевіч і Алена Печань.
Адбыліся змены і ў Дзяржаўным камітэце па маёмасці. Першым намеснікам старшыні тут стаў Пётр Броўкін, а намеснікам — Мікалай Бабёр.
Таксаам Лукашэнка ўзгадніў Сяргея Нікіфаровіча на пасаду дырэктара "БелАЗа".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.