Віцэ-прэм'ер Расіі Аркадзь Дварковіч заклікаў актыўна змагацца з незаконнымі пастаўкамі малака ў краіну праз Беларусь з трэціх краін. Пра гэта ён заявіў, выступаючы на З'ездзе нацыянальнага саюза вытворцаў малака, паведамляе ria.ru.
Дварковіч паведаміў, што расійскі бок канструктыўна працуе з Беларуссю. "Мы заклікаем нашых калег больш актыўна змагацца з незаконнымі пастаўкамі праз Беларусь у Расію з іншых краін — я маю на ўвазе Прыбалтыку, Украіну, Польшчу, — іншых краін, у якіх вырабляецца і пастаўляецца да нас малако", — дадаў чыноўнік.
Віцэ-прэм'ер кажа, што частка незаконных паставак спыняецца, але іншая частка ўсё адно трапляе на расійскі рынак. Па словах Дварковіча, гэтыя пастаўкі адмоўна ўплываюць на баланс вытворчасці і спажывання.