Наталля Карчэўская стала першай намесніцай міністра культуры. Згоду на яе прызначэнне даў 13 лістапада Алякандр Лукашэнка, піша БЕЛТА. Раней гэтую пасаду займала Ірына Дрыга — з яе імем звязаны нядаўні скандал з нацыянальным конкурсам на кінафэсце "Лістапад", калі чыноўнікі адсунулі кінематаграфістаў ад падбору фільмаў на нацыянальны конкурс фестывалю.
Наталля Карчэўская — харэограф, была дэканам факультэта традыцыйнай беларускай культуры і сучаснага мастацтва ва ўніверсітэце культуры.
Таксама Лукашэнка даў згоду на прызначэнне Сяргея Шарамецьева намеснікам міністра культуры. Раней гэтую пасаду займаў Аляксандр Яцко. Шарамецьеў быў дарадцам беларускай амбасады ў Расіі, быў кіраўніком Дзелавога і культурнага комплексу амбасады Беларусі ў Расіі.