Дар'я Домрачава не будзе ўдзельнічаць у змяшанай эстафеце на чэмпіянаце свету, які сёння стартуе ў аўстрыйскім Хохфільцане. Як адзначае "Биатлон online", паводле рашэння трэнерскага штабу зборнай Беларусі, у чацвер на трасу выйдуць Надзея Скардзіна, Ірына Крыўко, Уладзімір Чапелін і Сяргей Бачарнікаў. Пачатак у 16.45 паводле беларускага часу.
Спрынтарская гонка ў жанчын адбудзецца ў пятніцу, 10 лютага. У ёй, як чакаецца, паўдзельнічае Домрачава. Славутая біятланістка толькі нядаўна вярнулася ў вялікі спорт пасля нараджэння дачкі і паступова набірае ранейшую форму.