20 траўня 1574 года Генрых Валуа (1551–1589), першы выбарны король Рэчы Паспалітай, падпісаў тэкст каралеўскай прысягі, якая атрымала назву Генрыкавых артыкулаў. Гэтыя артыкулы сталі сродкам выйсця з цяжкай палітычнай сітуацыі, якая склалася пасле смерці караля Жыгімонта II Аўгуста.
Генрыкавы артыкулы (тэкст каралеўскай прысягі) канчаткова замацавалі юрыдычны падмурак Рэчы Паспалітай як рэспублікі паноў (магнатаў) і шляхты. Бо вярхоўная ўлада ў ёй належала вальнаму сойму і павятовым соймікам, якія складаліся выключна з паноў (магнатаў) і шляхты. Кароль фактычна з’яўляўся кіраўніком выканаўчай улады. За сваю дзейнасць ён адказваў перад вальным соймам. І ўсё яго жыццё — нават такія падзеі, як жаніцьба, развод, замежныя паездкі, — было пад кантролем сойма.
Кожны новаабраны кароль абавязаны быў пацвердзіць згоду з кожным артыкулам прысягі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут