21 траўня пачаўся збор подпісаў за прэтэндэнтаў на прэзідэнцкую пасаду. Выявілася, што Цэнтрвыбаркам выдаў пасведчанні не ўсім сябрам ініцыятыўнай групы Святланы Ціханоўскай.
Telegram-канал "Краіна для жыцця" паведаміў, што пасведчанні не атрымалі кіраўнік ініцыятыўнай групы Сяргей Ціханоўскі, муж патэнцыйнай кандыдаткі, а таксама палова каардынатараў.
"Касяк абяцалі выправіць, але ў такія выпадковасці, Лідзія Міхайлаўна, нам верыцца з цяжкасцю", — звяртаюцца аўтары канала да старшыні ЦВК Лідзіі Ярмошынай.
Сяргей Ціханоўскі збіраўся пачаць сваю выбарчую кампанію, але 6 траўня яго пасадзілі пад адміністрацыйны арышт. Таму ён не змог зарэгістраваць сваю ініцыятыўную групу. Замест яго заяўку на рэгістрацыю падала жонка Святлана. У склад групы ўвайшлі 252 чалавекі.
За кратамі Ціханоўскаму прысудзілі яшчэ 30 сутак арышту, але 20 траўня нечакана выпусцілі на волю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
To see this content visit the full version of this page.