Чыноўнікі сабатуюць Лукашэнку? Паглядзелі, як часта ён патрабуе навесці парадак

Чытаць болей: Книгу о геноциде белорусов покупают местные чиновники и учреждения образования

— Мы занадта рамантызавалі такія перыяды, як ВКЛ, Рэч Паспалітая, — сказаў Лукашэнка ў пасланні беларускаму народу і Нацыянальнаму сходу. — Сярэднявечныя алігархі сваё багацце нажывалі на гарбу народа, які сеяў, араў, будаваў.

Тут жа ён расказаў, што пакасілася агароджа ў вёсцы Зацень каля Драздоў.

— Дык што, ці вы аслеплі і не бачыце, што туды трэба ехаць і парадак наводзіць?

Чытаць болей: Лукашэнка абурыўся "абасранымі каровамі": "Навошта вы мяне сюды прывезлі?!"

Тэма сельскай гаспадаркі ў Беларусі стала мемам, а патэнцыял галіны яшчэ не ўвесь выкарысталі, лічыць Лукашэнка.

— Навядзем бязлітасны парадак, будзем выконваць тэхналагічную дысцыпліну і рэгламенты — вынікі будуць на парадак вышэйшыя.

У дзяржапараце таксама не паймі што — шмат нейкіх раздзьмутых структур, паскардзіўся Лукашэнка. І тычыцца гэта нават сілавікоў. Яго прэс-служба адзначае, што "ён запатрабаваў наводзіць парадак у кожным пытанні".

Стан дарог у пачатку 2023 года Лукашэнка ацаніў на тройку. Вядома, не абышлося без даручэння навесці парадак! А адказныя за гэта — Старшыня Савета Рэспублікі Наталля Качанава і міністр унутраных спраў Іван Кубракоў.

“Гандляры” ў шакаладзе, а вайскоўцам што?

У кастрычніку 2022 года, калі Лукашэнка забараніў цэнам расці, а яшчэ абурыўся, што "гандляры" жывуць у шакаладзе, а вось ваенныя і іх дзеці — не.

— ... [ён] перакананы, што ў такой кіруемай кампактнай краіне, як Беларусь, уладная вертыкаль мае сілы, каб навесці парадак і забяспечыць справядлівае стаўленне да людзей з боку дзяржавы — падтрымаць, дапамагчы тым, каму гэта неабходна, — адпісалася яго прэс-служба.

Незадоўга да гэтага ён запатрабаваў ад чыноўнікаў навесці парадак у кадрах — беларусы чамусьці знікаюць з працоўных месцаў.

Чытаць болей: “Грустный Коленька” и “экстремисты”: кого читают чиновники, дипломаты и силовики

— Гэтая цякучка, туды-сюды, хачу працую, хачу — не, заяву кінуў — пайшоў у камерцыйную структуру працаўладкаваўся, гэтаму трэба пакласці канец. Павінен быць жалезны парадак.

У канцы 2021 года былі заўвагі па Гомельскай вобласці. Тэмы старыя і часта паўтараюцца: сельская гаспадарка і карупцыя:

— Трэба накарміць жывёлу, з паморкам разабрацца, з крадзяжом, які там ёсць... Трэба навесці парадак у вобласці, вызначыцца з севазваротамі, падключыць прамысловасць, гарады да ўздыму сельскай гаспадаркі. Гэта будзе ваша задача.

Не абышлося без прэтэнзій да адукацыі. У школе неабходна навесці парадак, "чаго б гэта ні было варта". Лукашэнка хоча, каб там было як у царкве.

— І туды трэба прыходзіць як у храм. Парадак і дысцыпліна ў гэтым храме залежаць не толькі ад вернікаў, але і ад тых, хто адказвае за стан гэтага храма, значыць настаўнікаў.

Улетку 2021 года таксама з'явіўся новы міністр культуры Анатоль Маркевіч. Лукашэнка "даў яму поўнае права навесці парадак". Інтэлігенцыя павінна быць правільнай, а то "згубім краіну".

Падобных прыкладаў яшчэ вельмі шмат. На сайце Лукашэнкі па запыце "навесці парадак" — 178 навін з ліпеня 2001 года.