Наталля Васілевіч / fecebook.com
Пакуль адны кажуць пра неабходнасць размаўляць з рэжымам і як мінімум паспрабаваць знайсці кропкі ўзаемаразумення, гэты самы рэжым працягвае рэпрэсіі. І размова не толькі пра затрыманні, прысуды, дэпартацыю ды транснацыянальныя рэпрэсіі ў дачыненні да тых, хто пакінуў краіну, але і пра пазбаўленне на падставе “рашэння суда” маёмасці асуджаных. У тым ліку і святароў. Так, днямі на аўкцыён была выстаўлена машына, якая належала ксяндзу Акалатовічу.
Ці з’яўляюцца рэпрэсіі супраць святароў і вернікаў працягам агульных рэпрэсій па краіне? Чым рэжыму не дагадзілі лютэране? Як звязаны рашэнні аб адмове на служэнне ў Беларусі ксяндзам і нібыта жаданне наладзіць добрыя стасункі Мінска з Варшавай? Што мяняецца ў стаўленні краін ЕС да Беларусі? Пра гэта і шмат што іншае мы і разважаем у жывым эфіры Еўрарадыё з тэалагіняй, эксперткай у галіне рэлігіі, палітыкі і абароны правоў Наталляй Васілевіч у 16:00. Праграма выходзіць два разы на месяц.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут