Усё адбылося ў гімназіі №4 Мінска / калаж Еўрарадыё
Былую настаўніцу выгналі з канцэрту да Дня настаўніка, у якім удзельнічала яе дачка. Гісторыя адбылася ў мінскай гімназіі №4.
На відэа беларуска кажа, што чакала дачку з канцэрту каля школы больш за гадзіну. Потым вырашыла падысці да вахцёра і запытаць, ці можна зайсці пачакаць унутры і паглядзець на канцэрт. Той яе пусціў. А потым жанчына сутыкнулася з хамствам дырэктара школы — Андрэя Гоцмана.
"Дырэктар пры ўсіх мяне выгнаў. З залы вывеў, сказаў: "Ахову зараз выклікаю". Дырэктар 4‑й гімназіі. Я кажу: "Я ваша экс-калега, я працавала настаўніцай беларускай мовы ў школе". Я не чакала, што на мяне ахову", — кажа жанчына.
Падчас запісу відэа пра сітуацыю беларуска амаль не можа стрымаць слёз.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут