ByHelp Лявончыка выходзіць з гуманітарнага фонду дапамогі ахвярам рэпрэсій

02/07/2025 - 18:40

Сузаснавальнік ініцыятываў BY_help і BYSOL Аляксей Лявончык / LookByMedia

Ініцыятыва “Байхэлп” выходзіць са складу Міжнароднага гуманітарнага фонду дапамогі ахвярам рэпрэсій у Беларусі (Гуманітарнага фонду, ГФ). Еўрарадыё даведалася пра гэта ад Нарвежскага Хельсінкскага камітэту (NHC), які з’яўляецца аператарам фонду.

Па версіі нарвежцаў, сітуацыя развівалася наступным чынам. 18 сакавіка 2025 года яны пачалі расследаванне ў дачыненні да аднаго з удзельнікаў Гуманітарнага фонду. Усе фінансавыя аперацыі ў межах ГФ былі прыпыненыя.

26 траўня года ўдзельнікі Гуманітарнага фонду (акрамя ByHelp, туды уваходзяць “Краіна для жыцця”, BYSOL, Dissidentby, “Вольныя” і іншыя) атрымалі справаздачу пра парушэнні. Там паведамлялася, што паводле вынікаў расследавання NHC рэкамендуе спыніць супрацоўніцтва з “Байхэлп”.

Сярод заўваг да ініцыятывы “Байхэлп”, змешчаных у справаздачы (копія ёсць у распараджэнні рэдакцыі), пазначаныя:

Пастаянны недахоп даверу ў камунікацыі;
Неаднаразовая ненадзейнасць у выкананні абавязальніцтваў;
Адсутнасць празрыстасці ў аперацыях і прыняцці рашэнняў;
Нізкая адміністрацыйная здольнасць і нежаданне паляпшаць працэсы;
Справаздачнасць, што не адпавядае стандартам NHC і патрабаванням донараў.

Чытаць болей: Распавядаем, што стала з грашыма на пошукі Мельнікавай

Таксама ў NHC ёсць пытанні па бяспецы ў працы "Байхэлп": у справаздачы згадваецца "сур'ёзны інцыдэнт" у жніўні 2024-га. Больш падрабязна там не распісана, але напрыканцы 2024-га прапагандысты публікавалі інфармацыю пра нібыта "зліў" даных з фондаў салідарнасці.

Пасля публікацыі справаздачы ўдзельнікі фонду арганізавалі сустрэчу для абмеркавання вынікаў расследавання, каб даць бакам выказаць свае каментары. Тады “Байхэлп” абвясціў пра добраахвотны выхад з Гуманітарнага фонду.

30 чэрвеня года адбылася сустрэча, падчас якой Хельсінскі камітэт прадставіў поўную справаздачу пра парушэнні, выяўленых у дзейнасці ByHelp у межах Гуманітарнага фонду. Па выніках абмеркавання было прынятае рашэнне пра спыненне супрацоўніцтва паміж ГФ і ByHelp.

Кіраўнік ініцыятывы “Байхэлп” Аляксей Лявончык пракаментваў Еўрарадыё падзею са свайго боку:

— "Байхэлп" прайшоў паўнавартасны аўдыт атрыманых ад фонда грошай, і пытанняў што да іхняга мэтавага выкарыстання не узнікла. Усе траты былі задакументаваныя адпаведнымі рахункамі і прынятыя аўдытарам напоўніцу.

Для нас галоўнае, што мэтавасць выкарыстання грошаў не аспрэчваецца. Што да астатняга — гэта ўжо дробязі. Але ўлічваючы ўнутраную спрэчку, наш фонд прыняў рашэнне выйсці з Гуманітарнага фонду самастойна.

“Байхэлп” працягне надаваць дапамогу, выкарыстоўваючы, як і раней, мінімальную суму на адміністрацыйныя выдаткі і максімальную — на дапамогу мэтавай аўдыторыі.

АБНОЎЛЕНА 3.07.2025: дадалі больш інфармацыі пра заўвагі да фонду і скрыншоты справаздачы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут

full version of the page

ByHelp Лявончыка выходзіць з гуманітарнага фонду дапамогі ахвярам рэпрэсій

Апошнія навіны

Top stories

16-гадовая беларуска стала ўдзельніцай дарослага чэмпіянату па шахматах у Польшчы

Сталі вядомыя падрабязнасці біяграфіі беларускага шпіёна ў Латвіі

Чыноўнікі расказалі пра новаўвядзенні ва ўступнай кампаніі-2026

Райцэнтры “мялеюць”: як скарачэнне насельніцтва ўплывае на эканоміку і рынак працы

Выбар рэдакцыі

Ці дапамагае бірка "экстрэміст" прадаваць кнігі? Запыталіся ў выдаўцоў

Чаму Ціханоўская ніяк не дамовіцца з Мерцам па ВНЖ для беларусаў — эфір

Ці даедзе Лукашэнка да ЗША, а беларускі калій да Клайпеды — эфір

Марыя Грыц: рабі, што можаш, кожны дзень — згодна з такой ідэяй жыву