Мяжа Украіны з Беларуссю / facebook.com/vitaliy.bunechko/
Вялікабрытанія выпусціла папярэджанне для сваіх грамадзян і просіць не наведваць шэраг рэгіёнаў Украіны.
Брытанскі МЗС падзяліў Украіну на два сектары. Чырвоны сектар рэкамендуецца не наведваць наогул, жоўты — не наведваць без неабходнасці.
У чырвоны сектар увайшлі рэгіёны, якія мяжуюць з Беларуссю.
"МЗС раіць устрымацца ад любых паездак у межах 50 км ад мяжы з Беларуссю ў сувязі з прысутнасцю расейскіх і беларускіх вайскоўцаў і сілавікоў на беларускім баку мяжы", — гаворыцца ў папярэджанні.
Украіна жыве ў чаканні паўторнага наступу расейскіх войскаў. Ёсць асцярогі, што Крэмль зноў паспрабуе захапіць Чарнігаў і Харкаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут