Brutto прадставілі пастаральны кліп на песню "12 обезьян". Песня "Ляпіса Трубяцкога" з альбома "Манифест" гучыць у акустычным варыянце: у такім інтымным выглядзе Brutto ўжо выступілі ў Кіеве 24 красавіка.
У відэа Сяргей Міхалок, гітарыст гурта Павел Траццяк і адзін з вакалістаў Дзяніс Мельнік (Лэфт) сядзяць на беразе вадаёма, паляць вогнішча і граюць на гітарах. Вакол спяваюць птушкі і рапухі. Рэжысёрам роліка стаў Дзмітрый Аўдзееў.