Забяспечыць свіней вадой дапамаглі пажарныя / belmir.by
Беларусы, якія перавозілі свіней, трапілі ў зводку аўстрыйскай паліцыі. Іх фуру для надгляду спынілі ў зямлі Ціроль. Высветлілася, што жывёлы, якія ехалі ў аўтацягніку, знаходзіліся ў неналежных умовах — яны не былі забяспечаны дастатковай колькасцю вады. Акрамя таго, у паўпрычэпе не працавала вентыляцыя.
Каб забяспечыць свіней вадой і знізіць тэмпературу, на месца выклікалі пажарных. Працягнуць паездку вадзіцелям дазволілі толькі пасля таго, як была адрамантавана вентыляцыя. Ім таксама прыйшлося ўнесці заклад. Толькі пасля гэтага 33-гадовая беларуска і 39-гадовы беларус змаглі прадоўжыць паездку. Аўтацягнік з жывёламі накіроўваўся ў Італію, паведамляе рэсурс "Беларусь і свет".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут