Супрацоўнікі Брэсцкай мытні знайшлі ў мікрааўтобусе, які ехаў з Украіны ў Беларусь, ікону сярэдзіны XIX стагоддзя. Здарэнне адбылося ў пункце пропуску "Макраны". Грамадзянін Украіны, які кіраваў мікрааўтобусам, схаваў ікону (яе памеры 30 на 27 см) у папку.
Як інфармуе прэс-служба Брэсцкай мытні, ікону накіравалі на мытную экспертызу, якая вызначыла яе ўзрост і тое, што знаходка з'яўляецца культурнай каштоўнасцю. Лёс іконы вырашыць суд.
Фота: brest.customs.gov.by