Фота: www.cbc.ca
Моладзевая зборная Беларусі па хакеі (узрост гульцоў — да 20 гадоў) ва ўпартай барацьбе прайграла камандзе Швейцарыі на чэмпіянаце свету ў Бафала — 2:3. Цяпер для выхаду ў плэй-оф беларусы павінны перамагаць расіян або чэхаў.
Швейцарцы пачалі гульню з прэсінгу на вароты беларусаў і адкрылі лік на дзявятай хвіліне матчу. Але беларускія юнакі не стушаваліся і за наступныя 25 хвілін змаглі не толькі адыграцца, але і выйсці наперад.
На жаль, фінал матчу засталася за Швейцарыяй — "крыжакі" закінулі шайбы на 49-й і 52-й хвілінах. Трэнер беларусаў Юрый Файкоў рызыкнуў, замяніўшы варатара на шостага палявога гульца, але гэта не прынесла нашай зборнай нічога, акрамя некалькіх небяспечных кідкоў. Швейцарцы здолелі адстаяць свае вароты.