Анджэй Пачобут на судзе
22 кастрычніка Еўрапарламент назваў лаўрэатаў прэміі імя Сахарава "За свабоду думкі" 2025 года. Імі сталі зняволеныя журналісты, "якія змагаюцца за вашу і нашу свабоду", — Анджэй Пачобут з Беларусі і Мзія Амаглабелі з Грузіі, перадае Радыё Свабода.
Анджэй Пачобут знаходзіцца за кратамі ўжо чатыры з паловай гады. Ён быў затрыманы 25 сакавіка 2021 года, а ў лютым 2023-га яго асудзілі на восем гадоў пазбаўлення волі. Польскія ўлады патрабуюць вызваліць Пачобута — гэта з'яўляецца адной з умоваў адкрыцця пунктаў пропуску на беларуска-польскай мяжы.
Дагэтуль прэмію Сахарава ад Беларусі атрымлівалі Беларуская асацыяцыя журналістаў (2004), Аляксандр Мілінкевіч (2006), беларуская апазіцыя (2020).
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут