Так выглядае з-за мяжы абноўленая мапа Яндэкса / Яндэкс
У абноўленай версіі Яндэкс.Картаў знікла беларуская мова тапонімаў. Раней назвы гарадоў, вёсак і г.д. на Яндэкс.Картах у Беларусі падаваліся на дзвюх мовах — беларускай і рускай. Цяпер тапонімы на тэрыторыі Беларусі напісаныя толькі па-руску.
У першую чаргу новаўвядзенне закранула карыстальнікаў за мяжой. У Беларусі геаграфічныя назвы на Яндэкс-Картах па-ранейшаму дублююца на дзвюх мовах.
Аднак пэўная песімізацыя з'явілася і ўнутры краіны: пры памяншэнні маштабу беларуская мова знікае, застаецца толькі руская.
Новаўвядзенне закранула таксама Украіну і Балгарыю — краіны з кірылічным алфавітам. У прэс-службе Яндэкса змены патлумачылі так: "Для расійскіх карыстальнікаў тапонімы ў краінах з кірылічным пісьменствам няма неабходнасці ў дубляванні на мове арыгіналу, бо маюць амаль ідэнтычнае напісанне. Таму мы адмовіліся ад іх, што палепшыла ўспрыманне карты ў розных маштабах".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут