Свіння, ілюстрацыйнае фота / pixabay.com
У Германіі паліцыя спыніла на аўтастрадзе польскую фуру, у якой два беларусы перавозілі свінняў. Цяпер кіроўцам і фірме пагражае штраф, заўважыла выданне MOST.
Два беларусы (43 і 48 гадоў) везлі 139 свінняў з нямецкай Ніжняй Баварыі ў Італію на грузавіку, які належаў польскай фірме.
Рэйс быў разлічаны на 18 гадзін. Як заўважылі паліцыянты, свінні не мелі доступу да вады і дастатковай колькасці подсцілу. Да таго ж выявілася, што ў грузавіка былі няспраўныя тармазы, а яго маса перавышала максімальна дапушчальную.
Паліцыянты, пракансультаваўшыся з мясцовым ветэрынарным упраўленнем, забаранілі далейшую перавозку жывёл і вярнулі іх да месца загрузкі. Кіроўца заплаціў заклад — 580 еўра. А фірме, якой належыць грузавік, пагражае штраф да 50 тысяч еўра.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут