Крэмль / РИА Новости
Беларусь мае намер атрымаць праз Еўразійскі фонд стабілізацыі і развіцця (ЕФСР) крэдыт на суму да $3 млрд і ўжо вядзе кансультацыі з фондам.
Пра гэта паведамілі РБК дзве крыніцы ў беларускім урадзе — па іх словах, пытанне пра крэдыт стала адной з тэм перамоваў з Расіяй.
У ЕФСР пацвердзілі РБК гэтую інфармацыю, але адзначылі, што казаць пра суму крэдыту і пэўныя тэрміны яго выдачы пакуль зарана.
Як паведамляла раней "Еўрарадыё", 8 верасня міністр фінансаў Расіі Антон Сілуанаў заявіў, што Расія можа аказаць дадатковую падтрымку ўладам Беларусі. Сілуанаў з'яўляецца паўнамоцным прадстаўніком Расіі ў ЕФСР.
У цяперашні час ліміт ЕФСР на прадастаўленне крэдытных рэсурсаў Беларусі складае каля $1,98 млрд і ён цалкам вычарпаны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут