Беларуская асацыяцыя журналістаў заклікае ўлады неадкланда вызваліць затрыманага журналіста Сяргея Сацука. Адпаведная заява з'явілася на сайце грамадскай арганізацыі.
Акрамя таго, БАЖ заклікае беларускія ўлады выконваць гарантыі журналістам, прадастаўленыя беларускім заканадаўствам і міжнароднымі абавязацельствамі Беларусі. Арганізацыя патрабуе спыніць пераслед, запалохванне ды іншыя агрэсіўныя дзеянні ў дачыненні да журналістаў за выкананне імі прафесійных абавязкаў.
Галоўнага рэдактара анлай-выдання "Ежедневник" Сяргея Сацука затрымалі 25 сакавіка супрацоўнікі Дэпартамента фінансавых расследаванняў Камітэта дзяржкантролю. На яго пачалі крымінальную справу. Наколькі вядома, Сацука падазраюць у атрыманні хабару для журналісцкіх расследаванняў. За гэта яму, паводле Крымінальнага кодэксу, пагражае да 10 гадоў пазбаўлення волі.
26 сакавіка ў рэдакцыі выдання "Ежедневник", якім кіруе Сацук, адбыўся ператрус.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.