Беларуская тэнісістка Вікторыя Азаранка разам з брытанцам Джэймі Марэем прайграла ў фінале міксту на Уімблдоне Аляксандру Пея з Аўстрыі і Ніколь Мелічар з ЗША — 6:7, 3:6. Шлях па турнірнай сетцы Азаранкі і Марэя быў няпростым, верагодна, ім проста не хапіла сіл на рашаючы паядынак.
"Дзякуй усім за два пацешныя тыдні", — напісала Вікторыя ў Twitter.
У адзіночным разрадзе на Уімблдоне ў мужчын перамог серб Новак Джокавіч, а ў жанчын — немка Ангеліка Кербер.