Месца раскопкі / НАН
Вучоныя Інстытута гісторыі НАН Беларусі зрабілі значнае адкрыццё ў ходзе раскопак на Малым гарадзішчы (на рацэ Менка). У пласце пажару, датаванага XI стагоддзем, знойдзены рэдкія для рэгіёна прадметы побыту.
Гэта фрагменты абвугленай драўлянай талеркі і кавалачкі бярэсцяного посуду.
Апошняя знаходка — сапраўдная рэдкасць для нашых шырот, піша "Прысталіца". Бяроста рэдка захоўваецца ў культурным пласце, аднак пажар, які знішчыў пабудову, законсерваваў арганіку ў выглядзе абвугленых рэшткаў.
Раскопкі ў вёсцы Гарадзішча праводзяцца пры ўдзеле студэнтаў Беларускага дзяржаўнага ўніверсітэта культуры і мастацтваў. Кіруе экспедыцыяй загадчык аддзела археалогіі Сярэдніх вякоў і Новага часу Інстытута гісторыі НАН Беларусі Андрэй Войцяховіч.
Археалагічны комплекс на рацэ Менка — адзін з найбольш вядомых у Мінскім раёне. Раскопкі тут вядуцца не першы год.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут