Новым галоўным трэнерам юнацкай зборнай Беларусі па футболе (юнакі. не старэйшыя за 2004 год нараджэння) стаў Аляксандр Юрэвіч. Пра гэта паведамляе прэс-служба салігорскага футбольнага клуба "Шахцёр", дзе ён працаваў дагэтуль.
У "Шахцёры" спецыяліст трэніраваў дублюючы склад каманды, а таксама працаваў з ліцэнзійнымі ўзростамі клуба.
Як футбаліст Юрэвіч правёў 32 матчы за нацыянальную зборную Беларусі і выступаў за футбольныя клубы "Шахцёр" (Салігорск), БАТЭ (Барысаў) і "Карпаты" (Львоў). Футбаліст сем разоў станавіўся чэмпіёнам краіны, па тры разы выйграваў Кубак і Суперкубак Беларусі.
Дарэчы, у 2020 годзе зборная, якую ўзяўся трэніраваць Юрэвіч, стартуе ў кваліфікацыі юнацкага (U17) чэмпіянату Еўропы УЕФА.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.