Абраны сцяганосец беларускай спартыўнай дэлегацыі на адкрыцці XXXI летніх Алімпійскіх гульняў у Рыа-дэ-Жанейра. Як інфармуе БЕЛТА, ім стаў 48-гадовы Сяргей Мартынаў, стралок з вінтоўкі.
Капітанам беларускай каманды будзе алімпійскі чэмпіён у веславанні на байдарках і каноэ 34-гадовы Аляксандр Багдановіч. Сёння ў Мінску праходзіць урачыстая цырымонія провадаў беларускіх алімпійцаў. Цырымонія адкрыцця летніх Гульняў адбудзецца 5 жніўня на знакамітым стадыёне "Маракана". Асноўныя кваліфікацыйныя патрабаванні і нарматывы для ўдзелу ў Алімпіядзе выканалі 144 беларускіх спартсмены ў 25 відах спорту.