Жанчына дастала з торбачкі нож і ўдарыла ім дзяўчыну
Жыхарка Оршы здзейсніла злачынства з рэўнасці — ударыла нажом школьніцу, паведамляе "Інтэрфакс-Захад".
36-гадовая жанчына закахалася ў 16-гадовага хлопца, але ён стаў праяўляць цікавасць да 14-гадовай школьніцы. Даведаўшыся пра гэта, падазраваная сустрэлася з суперніцай. Узнікла сварка, падчас якой жанчына дастала з торбачкі нож і ўдарыла ім дзяўчыну.
Падлетак атрымаў колата-рэзаную рану правай ягадзіцы. Маці пацярпелай выклікала хуткую дапамогу і звярнулася ў міліцыю.
Міліцыя затрымала нападніцу і ўзбудзіла крымінальную справу. Жыццё і здароўе падлетка ў бяспецы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут