Аўтамабілі, ілюстрацыйнае фота / pixabay.com
У Воранаве (Гродзенская вобласць) 17-гадовы падлетак скраў у знаёмага больш за 23 тысячы еўра з сейфа, паведамляе Следчы камітэт.
Юнак дапамагаў свайму 39-гадоваму знаёмаму па гаспадарцы, ведаў, дзе захоўваюцца каштоўнасці і ключы. Пры канцы сакавіка, калі гаспадара не было дома, юнак узяў схаваныя ключы, забраўся ў дом і адчыніў сейф. Адтуль ён забраў больш за 23 тысячы еўра.
На гэтыя грошы хлопец купіў восем аўтамабіляў. Адзін з іх аказаўся няспраўным, таму юнак вырашыў яго спаліць.
Неўзабаве гаспадар дома выявіў прапажу і звярнуўся ў міліцыю. Выкрадальніка вылічылі хутка. Дома ў яго знайшлі 1500 еўра і больш за 8 тысяч рублёў, якія ён не паспеў патраціць.
Паведамляецца, што падлетак жыве са сваёй сям'ёй і вучыцца ў каледжы ў Гродне. Раней ён судзімасцяў не меў. На хлопца пачалі крымінальную справа аб крадзяжы ў асабліва буйным памеры і ўзялі яго пад варту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут