З'явіліся фатаграфіі ўкраінскага Ірпеня, нядаўна вызваленага ад расійскіх войскаў. Іх публікуе інфармагенцтва УНІАН.
Горад быў вызвалены 28 сакавіка. Цяпер там ідзе эвакуацыя людзей, якія не паспелі выехаць. Вяртацца ў Ірпень жыхарам па-ранейшаму не рэкамендуюць: перад адступленнем расійскія войскі паспелі замініраваць горад.
Таксама валанцёры вывозяць жывёл, якіх тут кінулі гаспадары, ратуючыся з горада.
Мэр горада Аляксандр Макрушын казаў, што з 24 лютага ў Ірпені, паводле папярэдніх звестак, загінулі да 300 грамадзянскіх чалавек і да 50 вайскоўцаў. Па яго словах, акупанты проста расстрэльвалі тых, хто ім не падабаўся.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут