Кандыдат у прэзідэнты Украіны Уладзімір Зяленскі ў сваім чарговым відэароліку назваў сваю дату дэбатаў перад другім турам выбараў. Зяленскі прызначыў дэбаты на 19 краісавіка. Правесці іх прапануецца на 70-тысячным стадыёне "Алімпійскі".
Раней дзейны кіраўнік Украіны Пётр Парашэнка таксама назваў дату дэбатаў — 14 красавіка.
Між тым, Цэнтрвыбаркам Украіны заявіў, што дэбаты кандыдатаў у прэзідэнты павінны адбыцца за кошт дзяржаўнага бюджэту ў студыі "Суспільного" тэлебачання. Паводле Закона "Аб выбарах прэзідэнта Украіны" яны мусяць праходзіць у жывым эфіры ў апошнюю пятніцу перад паўторным галасаваннем паміж 19-й і 22-й гадзінамі.
Другі тур выбараў ва Украіне пройдзе 21 красавіка.