Цацка-мядзведзь / minsk.mvd.gov.by
У Ленінскае РУУС Мінска звярнулася жанчына з заявай пра крадзеж.
Як паведамляе прэс-служба сталічнай міліцыі, з кватэры мінчанкі зніклі тэлевізар, дзіцячы манеж і мяккая цацка — мядзведзік. Сума скрадзенага склала 1500 рублёў.
Па падазрэнні ў крадзяжы міліцыянты затрымалі 31-гадовага мінчука. Ён быў знаёмы з пацярпелай і перыядычна прыходзіў да яе ў госці. Падчас такіх візітаў мужчына і скраў рэчы. Тэхніку і мяккую цацку ён паспеў прадаць.
Паведамляецца, што мужчына нідзе не працуе, раней яго прыцягвалі да крымінальнай адказнасці за маёмасныя злачынствы. На яго пачалі крымінальную справу за крадзеж.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут