Экзатычных яшчарак знайшлі ў багажы расіянкі / Мытны камітэт
Беларускія мытнікі выявілі незвычайную кантрабанду ў багажы 44-гадовай расіянкі ў памежным пункце пропуску "Брэст".
Жанчына выбрала зялёны калідор, заявіўшы, што ёй няма чаго дэклараваць. Яе багаж агледзелі з дапамогай рэнтгенаўскай устаноўкі. У пенапластавай скрынцы былі выяўленыя пяць кантэйнераў з экзатычнымі жывёламі — яшчаркамі-бананаедамі.
Рэптылій канфіскавалі і перадалі Мінскаму заапарку. А на расіянку склалі адміністрацыйны пратакол.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут