Ваенны аэрадром у Марозаўскім раёне Растоўскай вобласці / Wikimedia Commons
Міністэрства абароны Расіі паведамляе, што мінулай ноччу над тэрыторыяй РФ былі знішчаныя і перахопленыя 53 беспілотнікі. 44 беспілотнікі збілі над Растоўскай вобласцю, шэсць — над Краснадарскім краем, і па адным дроне над Саратаўскай, Курскай і Белгародскай абласцямі.
У Растоўскай вобласці, па словах губернатара рэгіёну Васіля Голубева, пашкоджана электрападстанцыя, размешчаная ў Марозаўскім раёне. Шэраг расійскіх рэсурсаў са спасылкай на відавочцаў сцвярджаюць, што мэтай атакі ў Марозаўску мог быць мясцовы вайсковы аэрадром. Тэлеграм-канал "Осторожно, Новости", у прыватнасці, сцвярджае, што адразу некалькі жыхароў горада паведамілі пра "прылёты" і пра тое, што бачылі выбухі на зямлі за горадам. "Жыхары адзначаюць, што нападу падвергнуўся мясцовы ваенны аэрадром", піша рэсурс.
Ваенны аэрадром мог быць мэтай дронаў і ў Ейску Краснадарскага краю. SHOT са спасылкай на мясцовых жыхароў піша, што, "акрамя гучных воплескаў, таксама быў чутны гук аўтаматных чэргаў у раёне мясцовага аэрадрома і ваеннага гарадка". Кіраўнік Ейскага раёна Раман Бублік у сваю чаргу сцвярджае, што атака на рэгіён была прадухіленая "на вялікай адлегласці ад нашага раёна" і "ніякіх разбурэнняў на нашай тэрыторыі няма".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут