Юлія Мудрэўская
19 верасня пачнецца суд над галоўным рэдактарам аўтамабільнага партала ABW.by Юліяй Мудрэўскай. Пра гэта паведамляе праваабарончы цэнтр "Вясна".
Працэс адбудзецца ў судзе Фрунзенскага раёна Мінска. Справу будзе разглядаць суддзя Алена Бушава.
Юлію абвінавачваюць ва ўдзеле ў акцыях пратэсту 2020 года. Яна была затрымана 16 чэрвеня 2022 года і знаходзіцца ў менскім СІЗА на вуліцы Валадарскага. Таксама ў той дзень былі затрыманыя рэдактар спэцпраектаў Юры Гладчук і выпускаючы рэдактар Вадзім Зянкевіч.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут