Канстанцін Мерманішвілі / сацсеткі
У Мінску за ўдзел у пратэстах 2020 года затрымалі вядомага трэнера па вольнай барацьбе Канстанціна Мерманішвілі, піша "Наша Ніва". Затрыманне адбылося ў сярэдзіне верасня.
На праўладных каналах з'явілася відэа з арыштаваным 41-гадовым трэнерам. Невядома, ці пачалі на яго крымінальную справу.
Мерманішвілі мае найвышэйшую трэнерскую катэгорыю, працуе ў Мінскай дзяржаўнай гарадской вучэльні алімпійскага рэзерву і Мінскім гарадскім цэнтры алімпійскага рэзерву па барацьбе імя Мядзведзя.
Летась яго выхаванка Вольга Гардзей заняла трэцяе месца на чэмпіянаце Еўропы па вольнай барацьбе сярод жанчын. За гэта Мерманішвілі прысудзілі стыпендыю "Прэзідэнцкага спартыўнага клуба". Яе даюць за выбітныя дасягненні ў спорце для "маладых і перспектыўных" спартоўцаў і трэнераў. На 2022 год яна складае каля 7700 рублёў, якія выплочваюцца цягам усяго года.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут