Вікторыя Амеліна / фота з сацсетак пісьменніцы
Вырасла колькасць ахвяр расійскага ўдару па Краматорску. 13-й ахвярай стала ўкраінская пісьменніца Вікторыя Амеліна. Яна памерла ў шпіталі ў Дняпры. Як паведамляе Hromadske, у яе было раненне, несумяшчальнае з жыццём.
У дзень атакі 27 чэрвеня Вікторыя Амеліна знаходзілася ў Краматорску разам з дэлегацыяй калумбійскіх журналістаў і пісьменнікаў. Яны вячэралі ў рэстаране, калі расійская ракета трапіла ў будынак. Пацярпелі таксама і трое грамадзян Калумбіі: дэпутат Серхіа Харамільё, пісьменнік Эктар Абад і журналістка Каталіна Гомес. Усяго ў выніку гэтага ракетнага ўдару раненні атрымалі больш за 60 чалавек, у тым ліку васьмімесячнае дзіця. Сярод загінулых тры непаўналетнія дзяўчыны. Расіяне сцвярджалі, што цэліліся па ваенных.
Вікторыі Амелінай было 37 гадоў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут