Грамадскаму актывісту Паўлу Вінаградаву выставілі абвінавачванні па трох артыкулах Крымінальнага кодэксу. Падставай стаў яго пост у Фэйсбуку. Пра гэта напісала ягоная жонка Святлана.
Актывіста вінавацяць у наступным:
артыкул 130 — Распальванне расавай, нацыянальнай, рэлігійнай або іншай сацыяльнай варожасці;
Артыкул 367 — Паклёп на прэзідэнта;
Артыкул 342 — Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх.
Па словах жонкі, расследаванне крымінальнай справы завершанае. Матэрыялы перададзеныя пракурору для накіравання ў суд.
22 снежня Паўла Вінаградава ў Беразіне затрымаў АМАП. Акурат сёння праваабаронцы прызналі яго палітвязнем.
Цяпер Вінаградава ўтрымліваюць у ІЧУ ў Беразіне
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут